Облыстық құрылыс басқармасынан мәлімдегендей, Сырым ауданындағы Жымпиты, Теректі ауданындағы Федоровка, Жәнібек ауданындағы Таловка және Ақоба, Жанғалы ауданындағы Жаңақазан мен Қызылоба, Қаратөбе ауданындағы Жусандыой, Бөрлі ауданындағы Қанай мен Жаңаталап, Шыңғырлау ауданындағы Амангелді, Тасмола және Ащысай, Казталов ауданындағы Ақпатер, Жалпақтал, Нұрсай мен Казталовка, Бөкей ордасы ауданындағы Көктерек, Зеленов ауданындағы Дарьинское ауылдарында су құбырлары қалпына келтірілді. 

Бір жыл ішінде БҚО-да 2 174 дана су есептеу құрылғысы орнатылып, 147 км су құбыры желісі салынды. 

«Нәтижесінде ауылды елді мекендерде тұратын 4 992 адам орталықтандырылған сумен қамту жүйесіне қосылды, ал 6 101 адам үшін сумен қамту қызметінің сапасы жақсартылды», - деп мәлім етті облыстық құрылыс басқармасының басшысы Арман Үксікбаев. 

Қазіргі таңда аймақта 238 мың халқы бар 159 ауылды елді мекен орталықтандырылған сумен қамту жүйесіне қосылған. 

BNews.kz «www.bnews.kz».