ЖӘНІБЕК ҰСТАЗДАРЫ

Облыстық білім басқармасы мен облыстық балалар мен жасөспірімдер туризмі және экология орталығы Орал өңіріндегі балалар туризмінің 55 жылдығына орай білім беру қызметкерлері арасында шаңғы туризмі техникасынан жарыс өткізді. Салауатты өмір салтын қалыптастыру, шаңғы туризмі техникасын насихаттау, педагог кадрлардың біліктілігін арттыру және тәжірибе алмасу мақсатында ұйымдастырылып отырған жарысқа аудандар мен Орал қаласындағы білім беру мекемелері атынан барлығы 10 команда қатысты. Үш күнге созылған жарыс барысында біздің ауданның командасы«Техникалық» қашықтығы бойынша алдына жан салмай жүлделі І орынға ие болды. Сондай-ақ «Бивуактар» және «Қыс кереметі» бутербродтар байқауынан да ІІІ орынды иемденіп, жалпы командалық сынақта Тасқала мен Ақжайық аудандарынан кейін жүлделі ІІІ орынға табан тіреді.