ЖӘНІБЕК ҰСТАЗДАРЫ

Семинар өтті
Аудандық білім беру бөлімінің оқу-әдістемелік кабинетінің жұмыс жоспары бойынша Т.Жароков атындағы мектеп базасында «Жаратылыстану математика пәндері бойынша аудандық олимпиада материалдарын талдау» тақырыбында аудандық семинар-практикум өткізілді. Оған 46 пән мұғалімі қатысты. Негізгі мақсат – дарынды балалармен жұмысты жандандыру арқылы оқыту үрдісінде жоғары нәтижеге жету жолдарын іздестіру. Бағдарлама бойынша 5 бағытта секция жұмыстары ұйымдастырылды: химия, биология пәндері бойынша АӘК меңгерушісі А.А.Нұрғалиева жетекшілік жасаса, математика, физика, информатика пәндері бойынша АӘК әдіскері С.А.Хайрушева жетекшілік жасады. 
Пәндер бойынша секция жұмыстары жүргізілді. Бұл үшін жауапты болып «Зерде» облыстық озат тәжірибе алмасу мектебінің мұғалімдері тағайындалды. Химия секциясын М.Ықсанов ат. ЖББМБ-ның химия пәні мұғалімі Б.К.Таженгалиева, биология секциясын №1 ЖББОМ-ның биология пәні мұғалімі Р.Ш.Жумагереева, математика секциясын Т.Жароков ат. ЖББОМ-ның математика пәні мұғалімі М.Т.Есенғалиева, физика секциясын Ұзынкөл ЖББОМ-ның физика пәні мұғалімі Г.М.Жапақова, информатика секциясын Т.Жароков ат. ЖББОМ-ның информатика пәні мұғалімі О.Ш.Шапагатова қадағалайтын болды.