ЖӘНІБЕК ҰСТАЗДАРЫ

ЖББ А.Оразбаева атындағы негізгі мектебінде «Студенттік өмір деген – игі өмірдің бастауы» атты студенттермен кездесу кеші болып өтті. Кешке мектебімізді әр жылдары бітірген, бүгінгі күні студент атанған түлектер қатысты. Өз облысымызда білім алып жатқан студенттер оқушылармен бірге пікір алмасып, өз ойларын ортаға салды.Кешті мектеп директорының тәрбие ісі жөніндегі орынбасары Жанар Сыдихқызы мен өзін -өзі басқару ұйымының мүшесі Гүлім Хамитова әсерлі де, тартымды етіп жүргізді.
Мектеп директоры А.Х.Мулдагалиев студенттердің кешке қатысқандары үшін алғыс айтып, оқуларын ойдағыдай бітіріп , белгілі бір маман иесі болып шығуларына тілектестік білдірді.
Қорқынышы мен қуанышты сәттері қатар жүретін студенттік өмірдің қызықты бір күнін еске алған студенттер осы білім ордасында білім берген ұстаздарға алғыстарын білдіріп, мектеп бітіруші түлектерге алдағы мемлекеттік емтиханды жақсы тапсыруларына тілек білдірді.